元札幌拉麵 (宇晴軒商場) (已結業)

话说朋友住呢一头附近,佢同我讲呢个商场有一间好好食嘅日本菜,而且价钱相宜。于是呢日,我就同朋友嚟食呢一间日本菜。佢一间商场入面,个装饰好有趣,好多红灯笼。我呢几日食咗好多鸡,所以想食返啲牛肉。我叫左个牛扒,我见佢有店长推介所以都好期待食一个牛肉。而我个朋友就想食清淡一啲,就要咗个烧鱼我𠮶个牛肉唔算太生唔算太熟，啱啱好，上面有啲黑椒，同埋个调味啱啱好唔算太咸，不过我朋友就话咸左少少，平时识开重口味嘅朋友应该会觉得呢个好好食啦。个牛肉啲油脂都唔错，一啲都唔鞋，仲好Juice。我个朋友𠮶个油甘鱼都好好食，啱啱烧上嚟， 好嫩滑，不过我净系食咗一啖，都唔系好比到意见。最令我感到惊喜嘅系，佢个蒸水蛋真系新鲜正出嚟，食完主菜，个蒸蛋就来啦。个蒸蛋系好家庭式𠮶啲，唔似出边日本餐厅水汪汪，佢系好重蛋味嘅蒸蛋。我个人好钟意食呢一个蒸蛋。