影片
更多
2021-10-27
355 浏览
山下无双见到呢个餐厅名令我谂起Eason𠮶首天下无双😂讲返正题，今日去咗呢间餐厅度食午餐。首先叫咗omakase 十贯极上寿司。$168。寿司食材全部由师傅决定。所以个个食嘅都未必一样。值得一赞嘅系件件寿司都系厚切。而且鱼油比例极高。食落去真系忍唔住会大叫一声「好好食呀」。自己私心推荐海胆寿司。海胆非常鲜甜。而且完全冇腥味。如果有啲朋友，叫呢个omakase担心有啲食物自己唔食，我话俾你听完全唔需要担心呢个烦恼，因为侍应会好贴心咁样系你叫之前问你有啲咩食物系唔食。芝麻鸡翼$38。芝麻鸡翼炸得非常香口。而且佢喺炸完之后咬开鸡翼入面唔会话炸到干身。仍然有肉汁保留系鸡翼入面。加少少柠檬汁去食。可以话系锦上添花。茶碗蒸$20，虽然佢睇落去只系一碗平平无奇嘅茶碗蒸。但系蛋味香浓，而且做得比较滑身，一放入个口就已经滑咗去喉咙度，而且价钱亦都唔算贵。加一碗嚟食当奖励吓自己。最后值得一赞嘅系，侍应反应非常之快，无论系喺加水方面，定还是有食客举手点餐嘅时候。佢都唔会要你等。另外餐厅卫生亦都非常之好。眼见每一台食客走咗之后，侍应会即刻用消毒酒精消毒每一张枱。以今时今日呢个价钱，呢个服务态度，可以话性价比非
见到呢个餐厅名令我谂起Eason𠮶首天下无双😂
讲返正题，今日去咗呢间餐厅度食午餐。首先叫咗omakase 十贯极上寿司。$168。寿司食材全部由师傅决定。所以个个食嘅都未必一样。值得一赞嘅系件件寿司都系厚切。而且鱼油比例极高。食落去真系忍唔住会大叫一声「好好食呀」。自己私心推荐海胆寿司。海胆非常鲜甜。而且完全冇腥味。如果有啲朋友，叫呢个omakase担心有啲食物自己唔食，我话俾你听完全唔需要担心呢个烦恼，因为侍应会好贴心咁样系你叫之前问你有啲咩食物系唔食。
芝麻鸡翼$38。芝麻鸡翼炸得非常香口。而且佢喺炸完之后咬开鸡翼入面唔会话炸到干身。仍然有肉汁保留系鸡翼入面。加少少柠檬汁去食。可以话系锦上添花。
茶碗蒸$20，虽然佢睇落去只系一碗平平无奇嘅茶碗蒸。但系蛋味香浓，而且做得比较滑身，一放入个口就已经滑咗去喉咙度，而且价钱亦都唔算贵。加一碗嚟食当奖励吓自己。
最后值得一赞嘅系，侍应反应非常之快，无论系喺加水方面，定还是有食客举手点餐嘅时候。佢都唔会要你等。另外餐厅卫生亦都非常之好。眼见每一台食客走咗之后，侍应会即刻用消毒酒精消毒每一张枱。以今时今日呢个价钱，呢个服务态度，可以话性价比非常之高。推荐程度爆灯。
张贴
