杯中物

营业中

休息中

今日咁啱同朋友去开旺角，于是就谂住去旺中扫嘢食，咁杯中物就系我哋每次嚟旺角都必食嘅舖头，因为胜在够平份量又唔会太少，性价比算系唔错。对于学生来讲负担都唔系好大。我同朋友就叫咗串串，虾饼，炸双皮奶。串串就有四只味可以拣，同埋可以拣火鸡臂，我哋嗌咗炭烧同埋沙嗲味嘅串串同火鸡臂，味道唔可以话非常好食，算系正常水准，但系$20有六串都算平所以味道上都唔会要求太多，都值得一试嘅。虾饼就味道都唔错，啲虾都几多下，又送薯条其实几抵食！炸双皮奶就$10，2旧，价钱一般啦但系食落去几好食外脆内软，我本身会以为个味道会好奇怪但食落去又真系几好食，算系意料外嘅美食。总括来讲杯中物啲嘢食系又平又抵食，虽然话水准唔算系特别高，但系胜在够平又系黄店。