大丸和風食堂 (已結業)

前几日收工去咗旺角交收，果阵仲要落大雨，拿拿声入咗旺角通菜街谂住求其入一间日本餐厅食晚餐，见到呢间大丸装潢好吸引，估唔到野食都有惊喜。佢呢度食物选择非常之多，有寿司刺身、有串烧、有拉面乌冬、有寿喜烧，仲有酒饮！两个人食咗大概三百几蚊，样样都大份夹抵食，量大之余质素唔差，性价比高，可以话系平民居酒屋之选！三文鱼腩刺身(4片)HK$68、寿司三文鱼腩刺身比想像中更加厚同大块，色泽都靓同食落油脂充足！寿司都系即整，上碟时紫菜仲脆卜卜，正！辛辣黑豚肉拉面 HK$70拉面嘅口感弹牙，叉烧的份量十分慷慨，有3大块，每一块都烧得香口入味。汤头微辣令人胃口大开，仲有好多配菜例如有完整一个嘅唐心蛋，唔错咖哩鸡扒饭 HK$68咖哩鸡扒饭嘅份量又系大大份！鸡件大大件，嫩滑口感，浓郁咖哩加上大量配菜，系下饭之选。另外，大丸啲野饮都好有特式，我点左一杯Matcha Latte，个人认为多奶左少少，可以同佢讲番少奶。仔仔点左杯巨峰梳打，都系好饮的！三百几蚊食到棒住肚走，铺头宽敞又多卡位坐得舒服。收工食饭都系一个唔错嘅选择。