影片
更多
2018-06-14
225 浏览
闸蟹 海胆豆腐 番茄加芝士呢款前菜非常之特别，首先左边望落去系一个炸嘅小闸蟹，食落去唔单止面壳都食得最重要嘅系竟然会有香味，而且好爽脆，味道偏浓。建议食呢款菜由左至右开始食比较好，跟住系海胆豆腐，基本上出面既店，都一定唔会好似呢间店咁样整呢个海胆豆腐唔单止口感系同豆腐一样，但同时间佢都会带出海胆嘅鲜味，甚至会觉得佢呢个海胆豆腐仲好食过真正嘅海胆。最后，番茄加芝士，番芳系选用细细粒既生车厘茄，加埋芝士咸咸地又会甜甜地。食完你三道𩠌，基本上你都会觉得好开胃，甚至乎会为你既味觉带上不一样既刺激。清心苑白饭鱼清爽又鲜甜加埋少少酱油连埋呢一个嘅姜条一齐黎到去食，食落去唔会好腥，而且个口感既配搭同平时食既白饭鱼既感觉好不一样。刺身拼盆呢度嘅刺身拼盘最值得推介，个鱿鱼海胆，实在系太好食，首先鱿鱼包住个海胆非常有咬口，鲜味一涌而上，然而加左一块好特别既叶，只要一咬到佢，就会带出海胆既鲜味，味觉会感到清新脱俗。另外，呢到三文鱼，系用颈既部分去做，食到咁上下既时候，舌头既中间位会感受到一种油油又不油腻既口感，系我从来无食过。银雪鱼，食落去亦都好特别，咬落去好似食紧一个肥肥地嘅猪肉咁样，但同时你又会食到海鲜
闸蟹 海胆豆腐 番茄加芝士
呢款前菜非常之特别，首先左边望落去系一个炸嘅小闸蟹，食落去唔单止面壳都食得最重要嘅系竟然会有香味，而且好爽脆，味道偏浓。建议食呢款菜由左至右开始食比较好，跟住系海胆豆腐，基本上出面既店，都一定唔会好似呢间店咁样整呢个海胆豆腐唔单止口感系同豆腐一样，但同时间佢都会带出海胆嘅鲜味，甚至会觉得佢呢个海胆豆腐仲好食过真正嘅海胆。最后，番茄加芝士，番芳系选用细细粒既生车厘茄，加埋芝士咸咸地又会甜甜地。食完你三道𩠌，基本上你都会觉得好开胃，甚至乎会为你既味觉带上不一样既刺激。
清心苑白饭鱼
清爽又鲜甜加埋少少酱油连埋呢一个嘅姜条一齐黎到去食，食落去唔会好腥，而且个口感既配搭同平时食既白饭鱼既感觉好不一样。
刺身拼盆
呢度嘅刺身拼盘最值得推介，个鱿鱼海胆，实在系太好食，首先鱿鱼包住个海胆非常有咬口，鲜味一涌而上，然而加左一块好特别既叶，只要一咬到佢，就会带出海胆既鲜味，味觉会感到清新脱俗。另外，呢到三文鱼，系用颈既部分去做，食到咁上下既时候，舌头既中间位会感受到一种油油又不油腻既口感，系我从来无食过。银雪鱼，食落去亦都好特别，咬落去好似食紧一个肥肥地嘅猪肉咁样，但同时你又会食到海鲜嘅鲜味。
广岛生蚝
呢度嘅生蚝，师傅整得非常有心机，首先会有个炉，然后去烧只生蚝，然后再加清酒去煎煮。过程中，呢只生蚝煮既时候，唔会缩水之余，而且吸收左清酒既味，食落又系另一种既体验。最重要既系，呢间铺系选用了德国既生蚝，会比出面食店既生蚝特别大。
法国面包+蟹肉
爽脆既法国面包再配上一个蟹肉捞，食落唔但至会觉得呢个少少西式胆中式既配搭好特别，而且中西合壁估唔到系咁夹，而且蟹肉食落去淡淡都系海鲜既味道，而且唔会好腥臭。另外，绝对无添加其他非蟹肉嘅食物落去，而且份量都几大。
炸豚肉卷
炸豚肉卷里面唔单止会有豚肉包住一啲蔬菜类嘅植物，食落去爽脆得来又唔会令你感觉好油腻，而且皮脆内软，不过好可惜既系，如果份量多少少就好。
蟹肉+法国包
拖罗
最后就系呢个拖落，平时你系出面食饭都应该只会食到生既拖罗，另配上紫菜同珍珠醋饭。但呢一度唔单止主张系会用熟既拖罗，去慢慢咁煎，煎到连皮带肉可以一齐食，焦焦既感觉，更会冲激你既味觉，而且估唔到拖罗既肉煮熟左之后，会咁好食而且好嫩口。
张贴
