多寶樂茶餐廳

营业中

休息中

今日第一次上环返工，食饭唔知食咩好，但见到有间茶餐厅排哂队，之后我就行去睇睇。唔睇还好，一睇走唔到！中上环地区，可以做到30多少少就买到一个饭，唔怪得咁多人去果到排队。外卖32蚊，仲有10个餐，唔同野食，其中有炒饭炒面，又有蒸饭汤饭，又有特色本地食物。最紧要系，仲要免费包埋汤！咁平既野，唔试都对唔住自己！今日想食清淡少少，试个蒸饭+汤。唔洗等好耐，1分钟搞掂，可以拎走返去食，效率十足。打开后发觉唔会令你失望，排骨肉多骨少，岩哂我依个食肉兽。个汤味精唔多，又有粟米同红萝卜，健健康康。走之前，仲见到旁边有个下午茶，饭面都系33蚊，一d都唔贵，值得听日再黎，期待听日再试试。