慢煮工業 (已結業)

呢間其實都經過過好多次都心思思想試下今次一於把心一橫試下外賣居多雖然門口有張細bar枱，但由於無冷氣所以我諗都係主打外賣佢個menu都有好多野揀…仲有手工啤企係到諗左好耐選擇困難症既我又想試沙律又想試三文治……企左十分鐘決定堅持減肥就揀左個慢煮雞扒沙律做我是日晚餐一打開個賣相都好有驚喜份量都好大，雞扒都好多塊雞扒好有肉汁…好明顯同就咁煎係唔同佢係慢煮完拎出黎輕輕煎一煎熱佢，岩岩熟唔會(鞋)好滑…好埋蜜糖芥末醬好野味啲菜都好新鮮爽口價錢唔貴食到慢煮同有咁既質素真係好滿足，下次要試埋個三文治