平民扒房@友蠔食 (已搬遷) 新店位置

旺角一向好多食肆，今日约咗朋友去睇戏，顺道去揾下有咩好嘢食。经过左一间西餐厅，见佢人头涌涌， 一于去试吓。餐厅主力做石烧牛扒，除咗套餐之外，仲可以加钱食生蚝。同朋友一齐叫咗两款牛扒——肉眼及牛柳，再加左两杯特饮同半打生蚝。半打生蚝生蚝最大忌就系洗得唔干净，不过餐厅处理开蚝处理得好好，既冇蚝壳碎，蚝身亦都保持冰冻。食落口感特别，最重要系唔太肥，唔觉得滞之余味道亦都好浓郁。石烧牛扒——肉眼/牛柳石烧板温度唔太低，啱晒钟意食铁板我，块牛扒size一啲都唔细，肉质方面肥瘦适中又唔系好多筋，放想石烧版之后好快就热辣辣食得。乳酸特饮——个餐仲包括一杯乳酸特饮，正，好耐冇饮过益力多，再加上果味，口感清新仲可以消滞。