肉肉強食 by 鋒膳 (已結業)

入到去觉得似系八九十年代扒房，枱布颜色充满怀旧味道。肉眼铁板($88)自选左黑椒汁，超厚切，牛肉味浓，叫左七成熟，岩岩好。另外十分推介比目鱼扒，首先少地方有，仲要系两大条，煎得表面香脆，鱼质滑溜，铁板款式加$22可升级套餐，会有埋餐包，汤，饮品同甜品。甜品有啫喱or雪糕😀叫咗啫喱有埋花奶，完美。餐厅系全日免加一，好抵食。黎多个特色手打牛肉汉堡，好有份量，面包煎过微脆，配搭芝士加蕃茄，一口咬，so yummy 仲有每日限量30份吉列猪柳，日本宫崎快乐猪，食力有限，下次再试。