孖寶車仔麵

营业中

休息中

葵涌广场而家人来人往，楼上都多左好多不少的店舖卖小食，午餐。但要讲车仔面，一定系呢间!!我之前都黎齐都试过无数次，真心好味既野唔怕一讲再讲!!呢到虽然人流都好多下，但好多人都快快食完又到下一轮，所以每次都唔洗点等位。老实讲以佢既价钱黎讲，一定系抵食加好味。以前食好多车仔面店，而家好多都加左好多台式既汤底或者泰式既口味。但我最钟意既始终系港式!!孖宝车仔面唔止有车仔面, 仲好多款饭同小食，选择好多，一定系有香港人既心水。唔好以为呢到既环境，D呀姐一定事事旦旦或者粗粗鲁鲁。我问左几款酱汁有咩分别，呀姐都好好笑容咁解释我知，落单快手。3𩠌车仔面套餐$44包热饮<=去边到揾?车仔面我拣左豆腐、麻吉烧、牛柏叶、咖哩鱿鱼河粉,  沙嗲汁黎到一定要试佢既咖哩鱿鱼，真系好好味。老实讲香港唔系好多间做到咁有港式口味，唔会得个辣字。仲有，我偷偷地试埋我朋友拣既秘制汁，真系好香好好味又唔辣，大家下次都可以试下。