釜之魂釜飯專門店 (淘大商場) (已結業)

辛苦工作完，放工同同事去附近九龙湾揾下好野食先，我地见到哩间日式餐厅既野食都几吸引，加上价钱唔系好贵，所以一于入去食下，我想食清淡D, 于是拣左个五目釜魂，另加$18转做套餐，有埋前菜、汤和饮品，我拣左饮苹果蜜，再要多个黑松露玉子烧，朋友话好想食是日推介的日式霜烧牛肉，加多份梅干手羽先。苹果蜜好快速便送到，里面有好多苹果果粒，唔算太甜，跟住前菜(豆芽)和面豉汤，五目釜魂饭随后都送上，所谓五目即系杂锦既意思，当中有蛋丝、荷兰豆、香菇、笋片、黑目耳、红萝卜和粟米芯，味道清清淡淡，岩哂我，当我食下食下时先发现原来当中仲有虫草花，感觉好似揾到宝物甘。接住黑松露玉子烧送到，忍唔住即刻食，黑松露系面头沙律酱中，放入口先感觉到。这时朋友的梅干手羽都来了(手羽先即系鸡全翼)，朋友食左一啖告诉我:里面酸酸地，好特别。朋友期待的霜烧牛肉出场了，店员提醒我地要同蒲在下面底层的洋葱一齐食先好味，朋友请我一起品尝一片，食落洋葱系生既冻冻地，虽然牛肉好似半生未完全熟哂，但食落完全唔觉有血腥味，仲几有牛味。我地食完仲叫多左个焦糖蕃薯食，面头脆薄薄的焦糖，里面有烤过既味道，好甜，好似冬天食到的荟蕃薯既味道一样，好味。