和食快餐 (曹公坊)

营业中

休息中

今晚去咗荃湾果头，荃湾啲餐厅五花八门，而且间间都多人排队。最后同朋友行咗去曹公坊揾食。我地拣咗和食。一来见佢好平，二两见都有啲人排，紧排，应该都好食挂，一于试下。等咗两三个字左右，有得入去喇，入面好细，但都摆咗十几张枱。铺四周痴满餐牌我就拣咗咖哩鸡扒饭，日式炒杂菜，太卷，仲有冻柠茶。等左一阵，咖喱鸡扒饭嚟到喇。都几大碗，咖喱同鸡扒各占一半，铺满晒成个碗面。我以为佢会系一块大鸡扒，点知呢佢系将块鸡扒切薄咗三块，再去煎。咁样虽然会快啲熟但系就冇咁juicy。由于佢块鸡扒冇腌过，所以煎完之后呢就有啲干。至于咖喱，系日式咖喱嚟嘅。够哂味，同埋有少少肉丝起入面，净系食咖喱都唔会太寡。但我就嫌佢咖喱落咗太多粉，所以先会有啲似一嚿嚿咁样，但系味道都几好。炒杂菜呢，有洋葱，冬菇，椰菜，红萝卜再加上日式照烧汁去炒颜色好丰富。炒出嚟个效果相当好，唔会太甜，亦都唔会太‘杰’。啲菜呢好爽脆，好好食。而太卷呢，好似得我哋一台叫过咁样，个个都会食加州卷咁样，可能因为加州卷平啲。太卷有紫菜，珍珠米，腐皮，蟹柳，冬菇，仲有蛋。由于有腐皮所以本身都已经够味唔使点豉油都得。我会加啲芥辣喺面头，令到味道丰富啲，同埋过瘾啲。