大門食堂 (德福廣場) (已結業)

拉面大家都一定好钟意食，但自从半年前起，味千、豚王我都唔建议大家食，咁今日就同大家介绍一间连锁既良心日式料理店😂！大家行过可以试下！果日我试左好耐无食既沾面，大门沾面既汤底应该系鱼介豚骨汤底，我要先赞赞个汤，味道系够同埋表头唔多油，相对健康少少！面条腍硬度都ok，都挂到汤！每碗都有两旧日底叉烧，都有少少肥，都还可以！大家食到最后可以问店员拎木鱼花汤加落沾面汁，加埋木鱼花汤，味道变得相对暖和，都唔错！我食果阵睇某食评网既食评真心笑左出嚟😂！有人话呢间系间好传统既拉面店！我就有点保留😂！1️⃣.舖头有水供应，但唔明白点解会系热水😐，传统既话应该系冰水。2️⃣.沾面汁唔太热，只微微暖，相对系失色D！我唔会话呢间系好正好传统，我会话呢间餐厅系地道D，岩香港人口味，同埋比较平，因为最平果款拉面都系卖$40-50，价钱相对比较贴地，所以想顶拉面瘾既朋友，都可以试试呢间良心日式餐厅。