沖繩二段料理 (大本型)

营业中

休息中

今日去油塘大本营，就试吓依间冲绳料理。餐牌都有好多唔同种类嘅食物，但系偏偏揾唔到冲绳最出名嘅苦瓜炒蛋🤔好肚饿好肚饿，于是叫咗两个套餐再加一个小食。饮品方便，我哋叫咗黑糖柠茶，原来柠茶配黑糖，味道系咁香甜🥰套餐方面，我自己叫咗喜寿烧锅煮牛肉拼樱花虾虾汤锅烧乌冬。啲牛肉唔肥，仲好嫩滑，个樱花虾汤汤底简直一流，忍唔住饮咗半碗。我屋企人叫左大阪烧锅吉列猪扒拼樱花虾虾汤锅烧乌冬。我食咗一件猪扒，表面香脆，肉质又好鲜嫩，赞👍🏻一开始嘅时候因为眼阔肚窄，所以叫多咗个芥末鸡软骨饺子，饺子里面有脆脆鸡软骨，口感好特别，唔错。最后仲有一个甜品「冲绳海盐焦糖冬甩雪糕」，第一次食，冬甩嘅口感有少少烟韧，配上雪糕，再加上拖肥酱，成个感觉好奇妙，我觉得好好食，一定再嚟。