福緣日本料理 (已結業)

假日唔想煮，出街食。本身谂住去另一间日式食肆，不过因为农历新年关系，仲未开门。唯有去附近嘅「福缘」顶下瘾，好彩一去到就有位唔驶等，一坐低就叫咗滑蛋猪扒饭跟餐四只炸饺子，等咗5分钟唔够，店员就送上热辣辣嘅味噌汤，饮咗第一啖，已觉足料好味，有白萝卜、葱、海带，好快就饮晒。饮完碗汤唔够10分钟，就有猪扒蛋饭食，卖相吸引，炸猪扒刚好金黄色，不会炸到变㶶，猪扒食落亦好软，蛋亦足够。唯白饭不算多，女仔够饱，但男士可能会不够饱。炸饺子味道不过不失。