天祥順德美食

营业中

休息中

因为娘家住喺黄大仙 我成日返去探妈咪 本身我系唔食鱼嘅 但系佢就好钟意食呢度嘅一鱼六食 所以我都会陪佢食 因为呢度啲鱼唔会有腥味 特别系咋𠮶一味 除咗食到鱼香 一啲腥味都冇 蒸𠮶啲呢就好滑 有用足够嘅调味料辟咗就唔腥味 一鱼六食都可以分到咁多碟仲有大大碟 真系非常之抵 如果送饭捞汁 好快就食晒一碗饭如果得我同佢 我就会叫一鱼六食 同埋大良炒鲜奶 鲜奶整到正方形 卜卜脆 咬落系争少少流心滑劣劣嘅鲜奶 炸粉用得好少 食落去完全系鲜奶一啲罪恶感都冇 相对亦都唔系好甜 我哋两个好快就清晒啦 价钱实惠 我哋两个加埋都系一百蚊左右 已经食到好饱