泰角海南雞 (已結業)

行开旺角嘅都知，女人街除左系游客天堂之外，其实两旁都有好多特色小店，今日行过见到呢间泰国野未试过，于是就走去试下啦！冬阴公汤($58)味道同平时食开嘅唔同，比较重香料味，𥚃面有2只虾，虾嘅肉质弹牙，饮落都几醒胃泰式海南鸡饭($48)鸡肉算滑，油饭有惊喜，平时食开嘅都系比较干身，呢个淋得黎又有油香，其他地方比较难食到呢种感觉😂泰式船面($50)船面响泰国系一种价廉物美嘅食物，主要卖俾船上面嘅工人，因而有呢个名出现；而正宗嘅船面系细细碗，目的避免系船上面打泻，呢间嘅船面就系正常香港size，所以又唔洗特别加大嘅😎材料就有肥牛同牛丸，汤底味浓，肉味重，加左九层塔，令成个味道带出左d鲜味青柠梳打($12)Like左舖头instagram而送嘅春卷热辣辣，脆卜卜，好食舖头细细，不过充满着人情味，帮我落单嘅男店员(其实可能系老板😂)，超级用心咁介绍唔同嘅菜式😂食到一半又问我觉得点，服务好到有d吓亲😂话晒我呢个吃货正职都系做服务业，自问仲系职场新鲜人嘅时候先有呢团火咁对客，真系有啲受宠若惊😂😂