泰星匯泰國菜

营业中

休息中

今日好晏先食午餐，平时食茶餐厅食到厌，醒起依间泰国菜无食过，所以拉埋同事们去试下。店门口已有好多大餐牌写左午餐同下午茶有咩好食，我地毫不犹豫就入左去，店内唔算大，都可容纳到八至十张枱既人客，由于系下午茶时段，所以人流唔多，我同同事们都睇左餐牌好耐谂食咩好，最后叫左：无骨猪脾饭: 猪脾肉炆得好软冧冧，好浓既卤水汁味，好入味，猪脾肉每块都有猪皮拌住，好味青咖哩鸡饭: 青咖哩质感稀身左少少，味道偏甜同唔系好够味，鸡肉同红青椒有轻微煎过，整体味道普通泰式香茅猪扒汤河/米粉: 汤头浓味，河粉份量算少，但猪扒就有点逊色，因为猪扒用左少少生粉炸左先，直接放左入汤内，令到猪扒外层个炸粉甩出黎同埋食落口太冧身，口感真系差少少，但整体上成碗既味道系可以既。 而米粉口感唔爽滑同埋一团米粉，完全唔会散开，好难夹入口食想叫米粉既就三思啦。