泰‧雅

营业中

休息中

好耐无试新野，今日收工去屯门练箭前一支公揾下野食，系雅都呢边呢间泰雅咁多好评又未试过，就一于试下真唔真先，门面就连埋餐牌，一眼望晒，款式都唔少有主餐同小食甜品，但就无大路既海南鸡饭同无骨猪手。泰式烧猪颈肉饭+薯丝虾卷今日就试下招牌既猪颈肉饭，跟个小食薯丝虾卷就加12蚊有2件，先讲讲猪颈肉大约有10块，但比较薄同细块d，面头都加左d炸蒜增加风味，猪颈肉烧得几香，唔会好干，我都真系睇住一落单后个哥哥仔先放上烤炉烧，几新鲜，跟个泰式酱汁几特别，少少酸少少辣，几开胃，饭既质量就一般啦，唔系d咩靓米，但好在唔会湿先，算ok，配菜有2块青瓜同1块蕃茄，都几新鲜。薯丝虾卷都系新鲜炸起热辣辣，外皮炸得好脆，虾肉就唔算多，但几有特色，12蚊2件可以试试。饮品黎讲本身想加10蚊要个凉粉冰，但店员话今日无冰只好要枝装椰青水就加6蚊，if牌子都算ok啦。整体黎讲食物质素算唔错，价钱都几平民，可以返食。