影片
更多
2020-12-17
643 浏览
今次介绍系一间荃湾甜品CAFE小店，由2017年开业至今，主打心太软、疏乎厘班戟、芭菲同各式甜品，但行平民价钱。-排队🧍🧍♀️🧍♂️当日星期晚大概8点半到，入面座位80%满，只系等左几分钟比店员清理下张枱就入得。-环境🪑餐厅装潢简约行文青路线，以木为主，无论招牌、入面既枱、櫈、卡位都系木造，有4张4人枱 3张2人枱 3个面壁BAR枱。有一个缺点系铺内比较焗，但可能同友人讲完之后FEEL到店员好似开冷气无咁热。-1️⃣ 焙茶心太软伴绿茶雪糕💰65（👅: 8.5/10）食心太软最紧要就系睇外皮同埋入边嘅酱流唔流心同埋够唔够温度。切开嘅瞬间就好似相中咁，焙茶酱流晒出嚟，而且温度足够，焙茶酱非常好食，边食边闻到陪茶香，虽然味道有啲甜但系系令人熟悉嘅味道，会令人一啖接一啖，问店员话系落左白朱古力，我觉得系我食过咁多心太软最好食嘅流心。心太软外脆内软，外皮有少少湿润，质感唔会硬系好松化，再去加上暖暖嘅流心，系完美嘅配搭，不过呢个好睇个人口味，有啲人唔钟意依种软熟，我个人就觉得依家嘅心太远好啱我嘅口味。本身冇对绿茶雪糕有期望但系意外中好食，比起出边食到嘅一般绿茶雪糕好食，唔会太硬未融晒雪咁但系都唔会太易
今次介绍系一间荃湾甜品CAFE小店，由2017年开业至今，主打心太软、疏乎厘班戟、芭菲同各式甜品，但行平民价钱。
-
排队🧍🧍♀️🧍♂️
当日星期晚大概8点半到，入面座位80%满，只系等左几分钟比店员清理下张枱就入得。
-
环境🪑
餐厅装潢简约行文青路线，以木为主，无论招牌、入面既枱、櫈、卡位都系木造，有4张4人枱 3张2人枱 3个面壁BAR枱。有一个缺点系铺内比较焗，但可能同友人讲完之后FEEL到店员好似开冷气无咁热。
-
1️⃣ 焙茶心太软伴绿茶雪糕💰65（👅: 8.5/10）
食心太软最紧要就系睇外皮同埋入边嘅酱流唔流心同埋够唔够温度。
焙茶心太软伴绿茶雪糕
$65
24 浏览
2 赞好
0 留言
切开嘅瞬间就好似相中咁，焙茶酱流晒出嚟，而且温度足够，焙茶酱非常好食，边食边闻到陪茶香，虽然味道有啲甜但系系令人熟悉嘅味道，会令人一啖接一啖，问店员话系落左白朱古力，我觉得系我食过咁多心太软最好食嘅流心。
心太软外脆内软，外皮有少少湿润，质感唔会硬系好松化，再去加上暖暖嘅流心，系完美嘅配搭，不过呢个好睇个人口味，有啲人唔钟意依种软熟，我个人就觉得依家嘅心太远好啱我嘅口味。
焙茶心太软伴绿茶雪糕
$65
18 浏览
2 赞好
0 留言
本身冇对绿茶雪糕有期望但系意外中好食，比起出边食到嘅一般绿茶雪糕好食，唔会太硬未融晒雪咁但系都唔会太易熔，唔会太甜食到绿茶嘅浓味但又唔会有苦涩味。
伴碟仲有啲焦糖脆脆同埋少少生果，将呢啲捞落食剩既心太软流心
-
2️⃣ 厚pancake伴海盐芝士卡士达酱及云呢拿雪糕💰75（👅: 7/10）
首先疏乎厘班戟喺偏向日式空气感𠮶种，但佢个空气感又唔够日本过江龙幸福班戟同flipper’s 𠮶种极致可以一咬落去就溶化，有少少两头唔到岸，好似食紧FLUFFY D既雪芳蛋糕。
厚pancake伴海盐芝士卡士达酱及云呢拿雪糕
$75
35 浏览
2 赞好
0 留言
班戟嘅表皮偏湿润，煎到啡色既个面向下，但食落啡色个面冇特别嘅质感。味道系蛋味同奶味都重，算系依个疏乎厘班戟嘅出色之处，喺未上菜之前已经闻到好香嘅蛋香味。
厚pancake伴海盐芝士卡士达酱及云呢拿雪糕
$75
16 浏览
2 赞好
0 留言
隔离仲有cream同埋海盐芝士卡士达酱，味道有少少似芝士奶盖，Pancake本身甜味唔多，将果酱加落去就变咗咸味带甜，算系几新颖嘅配搭，但味道唔会话好食到令人震惊。
厚pancake伴海盐芝士卡士达酱及云呢拿雪糕
$75
13 浏览
2 赞好
0 留言
云呢拿雪糕就正常发挥，比一般大牌子既好食，唔会太甜。
我自己喺香港试过四五间疏乎厘班戟，基本上味道同价钱会系成正比，所以我觉得系呢个价钱食到呢个质素嘅疏乎厘班戟算系及格。
-
🌟个人觉得心太软系最好食，无论系心太软个口感定佢入面既流心都做得好好同好夹，以呢个价钱食到绝对系超值，反而疏乎厘班戟无咁出色，但香港如果要食好有空气感同牛油糖浆做得更好既疏乎厘班戟通常要去到差唔多100蚊。
荃湾黎讲呢间甜品小店绝对系值得再食同支持。
-
👅味道: 8.5/10
🍴环境: 6.5/10
💰消费: $70 (服务费: NA)
❗ 每位最低消费一份甜品
张贴
