廣記粥店

营业中

休息中

我好钟意饮茶食点心，不过黄嘅茶楼可谓绝无仅有，除咗逸东轩。早排行山喺粉岭集合，见到联和墟呢间粥店居然有茶饮，当然第一时间仆到去帮衬。呢度点心笼笼十六蚊😮，好抵食，我拣咗笋尖鲜虾饺同鲜竹牛肉球，两者性价比都非常高：虾饺嘅皮虽然比较厚，但系入面嘅馅料好饱满，几好味；牛肉球虽然有落松肉粉，但系都食得出牛味，以呢个价钱嚟讲算唔错。食饱饱，慢慢叹茶（四蚊位，去边度揾😆），欣赏下街市四周嘅庶民风情，八卦下同枱婆婆嘅闲话家常，实属最佳娱乐。望下张单，才发现广记粥店原来已经有七十年历史，黄嘅老店，更加珍贵。