牛極 (皇后大道東）

营业中

休息中

Lunch hour想做食肉兽，去左牛极买外卖。点左份180克嘅牛肩排，七成熟。打开外卖盒果阵，牛肩肉已经冇乜血水渗出。 切开𠮶时手感比较硬，望落已经近乎全熟。食落有少许肉汁，唔算太干身，但排本身肉质嘅纤维比较多，带少许筋， 咬落都需要一啲牙力。 随餐仲附送一个餐汤同埋一个沙律。沙律系满满嘅一兜椰菜， 配上极度邪恶嘅沙律酱之后非常之好食，𩠌饭食一流。 餐汤系罗宋汤，里面有少许牛肉碎， 味道都唔错。 外卖自取只需65蚊，以牛扒类嘅食品嚟讲呢个价钱算系几抵。