影片
更多
2012-09-01
287 浏览
6月24日, 平民米芝莲港式点心添好运真系好巴闭~ 预咗起码要等一个钟以上先食到, 但试过拜会旺角总店却于下午4点已经宣布派晒筹, 连等位嘅资格都无! 自此之后每次经过佢门口都无不被那大批人潮吓亲… 深水埗同中环店都唔就脚… 等呀等卒之等到北角店开张~ 决定要神心地约埋妈妈同妹妹一行四人嚟排队飞! 今次, 终于等到喇!::: 酥皮焗叉烧包 ::: $17嚟呢度唔食过佢嘅镇店名物酥皮焗叉烧包真系唔好话食过添好运! 基本上每枱食客都一定会叫一客, 亦因为咁所以店方一早严阵以待, 酥皮叉包供货量极之充足, 可谓长叫长有, 源源不绝新鲜出炉~ 不过可能制作模式已经太系统化而忽略品质检定, 有d包个酥皮都未上好色, 白雪雪咁都照上碟, 卖相扣咗少少分. 不过新鲜出炉, 岂有难食之理? 面层酥皮焗得香脆, 包身松软, 叉烧馅肉汁丰腴, 咸香有致甜度适中, 认真皮薄馅靓~ 果然名不虚传!::: 晶莹鲜虾饺 ::: $22虾饺都几细粒, 但皮够薄, 除咗望落够晶莹透出粉红虾肉外, 亦意味馅料亦不孤寒~ 烟韧粉皮内系粒粒爽口弹牙嘅鲜虾! 成粒食一口咬下爆出鲜虾肉汁, 真系好食!::: 陈皮牛肉球 ::
::: 酥皮焗叉烧包 ::: $17
嚟呢度唔食过佢嘅镇店名物酥皮焗叉烧包真系唔好话食过添好运! 基本上每枱食客都一定会叫一客, 亦因为咁所以店方一早严阵以待, 酥皮叉包供货量极之充足, 可谓长叫长有, 源源不绝新鲜出炉~ 不过可能制作模式已经太系统化而忽略品质检定, 有d包个酥皮都未上好色, 白雪雪咁都照上碟, 卖相扣咗少少分. 不过新鲜出炉, 岂有难食之理? 面层酥皮焗得香脆, 包身松软, 叉烧馅肉汁丰腴, 咸香有致甜度适中, 认真皮薄馅靓~ 果然名不虚传!
::: 晶莹鲜虾饺 ::: $22虾饺都几细粒, 但皮够薄, 除咗望落够晶莹透出粉红虾肉外, 亦意味馅料亦不孤寒~ 烟韧粉皮内系粒粒爽口弹牙嘅鲜虾! 成粒食一口咬下爆出鲜虾肉汁, 真系好食!
::: 陈皮牛肉球 ::: $14牛肉球肉质嫩滑唔油腻, 食得出系鲜牛肉做先有嘅软嫩口感, 唔似得出面有d牛肉球好似旧橡胶波咁, 弹牙得离谱咁得人惊! 入口除咗牛肉味外, 芫茜陈皮亦渗出清香, 两者比例平均, 唔会俾是但一样盖过另一样个味.
::: 潮州蒸粉果 ::: $12妈妈好钟意食潮州粉果, 虽然好多地方都有, 但做得好嘅就真系好少… 好多时唔系皮太厚就系馅料唔够正宗. 呢度嘅潮州粉果就好有水准~ 首先同虾饺一样粉皮相当透薄, 连入面d馅料都睇得好清楚. 馅料有齐沙葛、虾米、猪肉、芹菜粒等, 而且都下得重手塞到成件粉果胀卜卜! 食匀北角酒楼d潮州粉果嘅妈妈都大赞呢度做得好!
::: 沙茶金菇牛肉角 ::: $15估唔到呢个沙茶金菇牛肉角原来系炸嘅! 金黄色嘅牛肉角炸得非常松脆~ 尤其是顶顶d多层折位, 炸完好脆卜卜, 一咬就碎到一碟都系! 不过咬开馅料就主要都系牛, 金菇比例好少, 沙茶味亦较淡, 而且食落有d油腻… 一般般…
::: 家乡咸水角::: $14咸水角都系细细粒~ 胜在炸得够香口脆身, 外层够脆咬落又烟韧, 馅料咸香惹味, 而且唔算好油腻, 唔错~
::: 古法糯米鸡 ::: $25糯米鸡唔算好大件, 但一打开已经荷香扑鼻. 糯米软腍烟韧, 吸收晒鸡件肉汁同埋冬菇香味~ 好味! 但美中不足系馅料同咸蛋黄都唔够多, 捞唔晒d糯米一齐食.
::: 黄沙猪润肠 ::: $18猪润肠都系偏细条~ 但馅料阔绰, 每条肠粉由头至尾啖啖都食到猪润! 肠粉皮够薄又够爽滑, 食落米味香浓, 同油润嘅黄沙猪润交织著软腍口感, 味道好夹~ 好好味!
::: 香滑马拉糕 ::: $14呀菲一向都好钟意食传统古法马拉糕~ 奈何越来越多酒楼爱画蛇添足, 又加奶黄又变千层等等等等… 搞到马拉糕就得番个甜字. 呢度嘅马拉糕就用番传统做法, 啡色嘅切件式马拉糕, 气孔分布大粒又平均, 质地十分轻盈~ 甜度食中之余亦有阵少少嘅烤焦香, 好好味! 争d好味到想叫多件! 推介~~~
::: 白灼郊外油菜 ::: $16是日郊外油菜有西生菜. 以油菜嚟讲份量叫适中, 但相比起其他点心呢个卖相算系几求奇架喇… 生菜零零碎碎乱叠一通, 侍应淋豉油时又淋得孤寒… 好在d菜都算新鲜食落都清甜~
食过旺角添好运嘅朋友自不免会拿两者来比较, 然后都话北角无总店咁好味… 不过对于我地呢d第一次食添好运嘅人嚟讲, 呢度嘅点心比起同区其他点心专门店或者酒楼已经算好好食啦! 而且价钱唔贵~ 绝对系北角居民嘅好食点! 平日会较少人, 假期就真系要攞飞请早喇~张贴
