正九清湯腩 (常安樓)

营业中

休息中

自从前排妈咪炆完牛腩之后，呢排成日都好想食牛腩。咁啱经过油麻地见到间正九清汤腩又去试下先。 清汤牛腩米粉🐮：牛腩整齐排列，爽口软稔，加$8可以升级崩沙腩／坑腩／爽腩，今次试咗佢哋嘅崩沙腩，比一般牛腩更加爽软，充满油香，而且唔会太肥腻。汤底浓淡得宜，带阵阵牛香味。另外，加多$8有云吞2粒，啲云吞都几大粒，馅料丰富。 师傅仲细心地将香葱用匙羹分开装，方便啲唔食葱嘅客人。 汤沙牛三宝河🐮：牛三宝有牛腩、牛筋、牛肚，普通牛腩绝对唔会比崩沙腩差，同样好够稔；牛筋软硬适中，Q弹有嚼劲；牛肚爽滑，牛三宝无得输呀！河粉够滑，另加$6要埋墨鱼丸，食落有墨鱼粒，烟韧弹牙。