影片
更多
2018-01-24
40 浏览
今日入元朗探朋友，顺便喺附近揾野食，见到个名几得意就决定食呢间。一入到去，个女仔就即刻招呼我哋坐低，都几殷勤。呢度嘅车仔面，面底每款$8，最少要拣三样𩠌，如果净𩠌嘅话最低消费就＄30，另外仲有唔同嘅小食可以拣，所以车仔面嚟讲都算多选择。我叫左个幼面配麻辣肚丝、五香牛腩、秘制冬菇、芹菜木耳饺、韭菜饺加云南酸辣汁。个人最欣赏肚丝、牛腩同冬菇：肚丝爽口惹味，牛腩唔会太肥，够腍又入味、冬菇厚肉又软滑。天气咁干燥，我梗系叫多个洛神花蜜润一润，不过味道稍为淡咗少少。朋友就叫左粗面配香茅猪扒、蟹籽包、鱼皮饺同豆卜加腩汁。 佢话个粗面既挂汤能力唔错，又够爽口；猪扒好香口；鱼皮饺鲜甜又弹牙。小食方面，阿里山茄子个汁酸酸甜甜好开胃，如果可以炸得再香脆少少就好啦；柚子蜜鸡翼就非常香脆，而且仲有肉汁，唔会过干，配埋个柚子蜜汁简直系正。我哋食到七七八八𠮶时，人开始多，但店员唔单只无催我，仲好好礼貌咁叫我哋唔使急。虽然呢间车仔面价钱方面唔算特别平，但胜在选择多又好味，同埋服务都几好，大家入元朗都可以去试下。
今日入元朗探朋友，顺便喺附近揾野食，见到个名几得意就决定食呢间。
一入到去，个女仔就即刻招呼我哋坐低，都几殷勤。
呢度嘅车仔面，面底每款$8，最少要拣三样𩠌，如果净𩠌嘅话最低消费就＄30，另外仲有唔同嘅小食可以拣，所以车仔面嚟讲都算多选择。
我叫左个幼面配麻辣肚丝、五香牛腩、秘制冬菇、芹菜木耳饺、韭菜饺加云南酸辣汁。
个人最欣赏肚丝、牛腩同冬菇：肚丝爽口惹味，牛腩唔会太肥，够腍又入味、冬菇厚肉又软滑。天气咁干燥，我梗系叫多个洛神花蜜润一润，不过味道稍为淡咗少少。
朋友就叫左粗面配香茅猪扒、蟹籽包、鱼皮饺同豆卜加腩汁。 佢话个粗面既挂汤能力唔错，又够爽口；猪扒好香口；鱼皮饺鲜甜又弹牙。
小食方面，阿里山茄子个汁酸酸甜甜好开胃，如果可以炸得再香脆少少就好啦；
柚子蜜鸡翼就非常香脆，而且仲有肉汁，唔会过干，配埋个柚子蜜汁简直系正。
我哋食到七七八八𠮶时，人开始多，但店员唔单只无催我，仲好好礼貌咁叫我哋唔使急。虽然呢间车仔面价钱方面唔算特别平，但胜在选择多又好味，同埋服务都几好，大家入元朗都可以去试下。
张贴
