影片
更多
2022-02-07
1246 浏览
老字号雪山冰厅相信好多人都有听过 我都唔例外 今日终于黎朝圣一下单单下午茶时段都已经有好多选择全日早餐系传统冰室食西式全日早餐，个感觉几新奇。而全日早餐包括有炸鱼柳、法兰克福肠、茄汁豆、黑松露炒蛋同丹麦多士。炸鱼柳既size大过我只手掌！ 炸得又唔过火 外脆内软！黑松露炒蛋上面既黑松露份量颇多，蛋既热力令黑松露既香气向上升。所以未食已经闻到浓浓既黑松露。炒蛋嫩滑唔老 赞！避风塘生炸鸡髀呢个咁邪恶既炸鸡髀一直都系雪山冰厅既招牌菜。当然我都要会一会佢啦！本身只炸髀已经高质 表皮香脆而唔会炸到里面干憎憎 仲要系表面加上避风塘风味既炸蒜同香料 简直就系perfect match！而为左减低罪恶感，我加配左杂果沙律加番一点清新感。如果你将罪恶感升华，可以加配邪恶既薯条架，加配沙律或薯条都系加8蚊咋！榛子酱西多士西多士本身已经邪恶，仲要加榛子酱！无得输！所以我特登唔落糖胶，唔想比糖胶既甜味抢左榛子酱既风头。结果不负我所望，榛子酱配牛油既味道已经足够。而我都加左8蚊加配薯条(邪恶~)经典芝蛋牛肉汉堡包我唔讲咁多啦，自已睇相啦，唔好比佢外表呃左，以为块牛肉煎得过左火 里面劲juicy呀！包身软绵绵，芝
单单下午茶时段都已经有好多选择
全日早餐
系传统冰室食西式全日早餐，个感觉几新奇。而全日早餐包括有炸鱼柳、法兰克福肠、茄汁豆、黑松露炒蛋同丹麦多士。炸鱼柳既size大过我只手掌！ 炸得又唔过火 外脆内软！
黑松露炒蛋上面既黑松露份量颇多，蛋既热力令黑松露既香气向上升。所以未食已经闻到浓浓既黑松露。炒蛋嫩滑唔老 赞！
避风塘生炸鸡髀
呢个咁邪恶既炸鸡髀一直都系雪山冰厅既招牌菜。当然我都要会一会佢啦！本身只炸髀已经高质 表皮香脆而唔会炸到里面干憎憎 仲要系表面加上避风塘风味既炸蒜同香料 简直就系perfect match！
而为左减低罪恶感，我加配左杂果沙律加番一点清新感。如果你将罪恶感升华，可以加配邪恶既薯条架，加配沙律或薯条都系加8蚊咋！
榛子酱西多士
西多士本身已经邪恶，仲要加榛子酱！无得输！所以我特登唔落糖胶，唔想比糖胶既甜味抢左榛子酱既风头。结果不负我所望，榛子酱配牛油既味道已经足够。而我都加左8蚊加配薯条(邪恶~)
经典芝蛋牛肉汉堡包
我唔讲咁多啦，自已睇相啦，唔好比佢外表呃左，以为块牛肉煎得过左火 里面劲juicy呀！包身软绵绵，芝士半溶，蛋黄汁流落块牛肉到...之后大大啖一野咬落去...我要食多个呀！！！
XO酱猪扒炒公仔面
猪扒份量好多肉汁都够，不过偏油左少少。获气够，好香口惹味，虽然邪恶，但食唔停口😂
忌廉薄荷朱古力&华田曲奇妙趣
新年试下特饮，薄荷朱古力🍫就麻麻地，而华田曲奇反而有惊喜，曲奇同华田取得一个平衡👍🏻
樽仔奶茶&樽仔咖啡（跟餐加9蚊）
奶茶味特别浓郁亦都茶味同奶味平衡得好好
甜度适中，唔似平时全糖既味👍🏻
咖啡味就唔算好重，所以平时唔饮咖啡既朋友仔都可以接受，一饮就饮左我半樽🤣
推介一试
张贴
