Red Rice 米飯主題餐廳 (六合街) (已結業)

睇返呢间餐厅原来系萧生开，虽然我个人对佢一般，我觉得呢间餐厅系帮衬得过😂，至少唔似「时代冰室」咁，用左一件唔开心既事嚟命名，有D似食紧人血馒头咁。呢间餐厅几多菜式选择，仲有铁板、港式all day breakfast等比较特色既餐，我就试左呢款日式蛋包饭，食落都系唔错！呢个蛋包饭个滑蛋整得好靓，少少湿，口感丰富又甜滑！入面既饭都无马虎，用左茄汁炒过，饭都粒粒分明而唔油。不过出面既黑椒汁就系普通茶餐厅既黑椒汁😂，味道一般，而汉堡排都唔差，但无咩惊喜😂。不过有点干，黑椒汁可以多返少少。其实最意外系明明茶餐厅入面，都食到质素唔差既蛋包饭😂。想当年红磡冰室一个垃圾什扒饭都要卖60几蚊。呢个午市价钱嚟讲都唔错！返工附近有不妨一试！