四喜麵包西餅 (已結業)

一直都想嚟四喜买佢D蛋批，一嚟自己系挞批爱好者，二嚟呢度嘅蛋批款式够特别、选择又多，啱哂中意FUSION野嘅我三文鱼芫茜蛋批 $30自己系芫茜会会员，见到呢款批，一早心心眼!!🙊面头有少少焦香芝士，内里有超多芫茜，可谓啖啖茜😅，所以芫茜味好浓，蛋味偏弱，无芫茜同三文鱼嘅地方先有蛋味(呢D位置唔多)。三文鱼份量点到即止；整体咸度适中。 法兰克福肠咖喱蛋批 $28材料仲有洋葱、粟米粒、车厘茄，口感最丰富，不过最无蛋味，因为咖喱太呛味，整体似咖喱批多过蛋批🤔。明太子沙乐美肠蛋批 $38呢个最贵，但我觉得最好味😋，最能够食到蛋香。明太子同蛋本身就好夹，加埋好薄嘅沙乐美肠，整体味道唔错，不过两样材料有咸度，所以咸少少，但可以接受。中心位嘅蛋几滑。三款蛋批我都用气炸焗翻热，气炸果阵全屋都闻到好香嘅牛油味；外层酥皮回复酥脆，不过批底已经湿哂，返魂乏术。另外买左条芋泥肉松吐司 $28条面包几重手，卖相好似好多料。不过，切开后有少少失望😶，明白嘅，芋泥咁重一定沉底，但如果加番多D肉松喺包中心，味道应该会更好。