歐意餐廳 (已結業)

见到呢间欧意，感觉成个装修、格局同埋啲野食都好似意八，我谂都几大机会系同一个集团。见佢平平地，就去食佢午市，佢个午市meun有15个款。pizza、饭、意粉、扒、沙律样样都有齐。跟餐有杯热饮或者餐汤，重有啲小食追加，但就唔系啲咩特别野！我同妈咪就叫左个烟三文鱼香草蚬肉天使面同芝士菠萝火腿汁千岛酱pizza。个三文鱼蚬肉天使面几大份之余，估唔到烟三文鱼同蚬肉既份量都几多！质素都唔错啦，烟三文鱼起码唔会腥，咁就难食极都有个谱，个蚬都几弹牙而且冇沙。系个天使面硬身得滞，而我自己都偏向钟意食硬身啲嘅面。不过呢个价位都冇得讲啲咩！而个pizza就正常发挥啦，过吓口瘾都唔错。个批底唔会好干，啲材料分量都OK，冇咩特别不过不失。食饱见佢换下午茶meun重多款，呢个价位下次可以试下先！