影片
更多
2023-09-25
275 浏览
LA Restaurant & Dessert Bar平时上网见到好多食评写哩间既威灵顿牛，而且午市好抵食，搞到我都心思思想去试。前后食左两次，今次决定一次过讲晒。个白汤就好浓，而且有啲蚬肉，味道都唔错，就系正正常常既一个白汤。威灵顿牛柳 $98 🥩当时都问咗服务员边种熟度系最好，佢哋就话五成熟，咁我哋都照嗌咗五成熟。上到嚟啲薯条好热好新鲜，个酥皮都几脆，但系一由威灵顿牛既边边切开食，个牛几乎系全熟，边位都话可以理解到。但食到中间，点睇都唔似五成熟，至少都七八成熟，好明显熟过头，而且切到好薄个牛肉都仲系有咬口，食到我怀疑人生😇。可能我对牛肉既熟度有理解错误，呢个牛柳食完一定唔会想再去呢间食。重量级安格斯牛肉汉堡伴薯菜 $98 🍔个汉堡几出色💯，由佢上枱到影左唔同角度既相再慢慢砌返个包切开食，个汉堡都仲系好热，薯条都好新鲜。而个牛肉汉堡系有肉汁滴出嚟，不过砌好晒个包成个咬就略嫌有啲失态，因为都几大旧下。整体嚟讲，如果女士自己食一个餐应该会好饱，一来薯条份量都多，二来汉堡都算系一个好易滞既食物，如果可以拣配沙律可能会好啲。香煎厚切猪扒伴洋葱汁 $68 🍖一上枱俾佢个份量吓亲，睇相就知佢份量
平时上网见到好多食评写哩间既威灵顿牛，而且午市好抵食，搞到我都心思思想去试。前后食左两次，今次决定一次过讲晒。
个白汤就好浓，而且有啲蚬肉，味道都唔错，就系正正常常既一个白汤。
威灵顿牛柳 $98 🥩
当时都问咗服务员边种熟度系最好，佢哋就话五成熟，咁我哋都照嗌咗五成熟。上到嚟啲薯条好热好新鲜，个酥皮都几脆，但系一由威灵顿牛既边边切开食，个牛几乎系全熟，边位都话可以理解到。但食到中间，点睇都唔似五成熟，至少都七八成熟，好明显熟过头，而且切到好薄个牛肉都仲系有咬口，食到我怀疑人生😇。可能我对牛肉既熟度有理解错误，呢个牛柳食完一定唔会想再去呢间食。
重量级安格斯牛肉汉堡伴薯菜 $98 🍔
个汉堡几出色💯，由佢上枱到影左唔同角度既相再慢慢砌返个包切开食，个汉堡都仲系好热，薯条都好新鲜。而个牛肉汉堡系有肉汁滴出嚟，不过砌好晒个包成个咬就略嫌有啲失态，因为都几大旧下。整体嚟讲，如果女士自己食一个餐应该会好饱，一来薯条份量都多，二来汉堡都算系一个好易滞既食物，如果可以拣配沙律可能会好啲。
香煎厚切猪扒伴洋葱汁 $68 🍖
一上枱俾佢个份量吓亲，睇相就知佢份量好大，而且好厚。猪扒既味道就正常，主要都系靠个汁，整体上都系好松软。
炭烧松阪猪伴烧汁 $78 🐷
哩个松阪猪系猪颈肉，而Menu上面嘅鳗鱼汁就已经冇咗啦，我就拣咗烧汁，有一啲猪颈肉系冇掂到汁食得出佢系有少少甜甜地嘅味系表面，而整体上松阪猪都系好香炭烧过既香味，而且肥瘦适中，个人认为佢好食过厚切猪扒。
Overall: 除咗威灵顿牛柳中伏之外，其他三款都几推荐，建议大家，平日晏昼时间去都要等一两枱，星期六日嘅话就可能预早少少去排。午市免加一，有一个汤、主食同野饮，价钱上都算系咁，分量算多，味道又几好，CP值都算唔错。
味道:🌕🌕🌕🌗🌑
环境:🌕🌕🌕🌗🌑
分量:🌕🌕🌕🌕🌑
服务:🌕🌕🌕🌕🌑
CP值:🌕🌕🌕🌑🌑
Overall: 好西💩
加一服务费：❎
-
LA Restaurant & Dessert Bar
旺角通菜街25号地舖
#dog旺角
张贴
