越味皇 (已結業)

同老婆去完越南之后几个月，都想揾间越南餐厅食返次回味下。今日我地出开荃湾，行到路德围揾食既时候见到呢间越南铺，见野食都唔错所以就入去了。天花满挂越南特色既竹笠。龙眼冰，甜得黎几清，一啲都唔漏，最后连龙眼肉食埋成杯清哂。牛油果沙冰，好香浓既牛油果味，仲有少量果肉增加沙冰既口感。而且本身牛油果系无甜味，所以餐厅加上适量既苹果一齐整，令到成杯都好fresh！香烧迷你庶虾，其实都唔迷你，好大旧虾胶拎去炸，好弹牙有咬口。牛油蒜蓉鸡翼，面有一层薄薄既炸粉包住非常香脆，再加上蒜蓉喺面调味，外脆内软，好邪恶呀！牛油果软壳蟹米纸卷，软壳蟹包住再隔左阵先食都仲系好脆，加上牛油果同米粉一齐一啲都唔觉热气。越式串烧，鸡串烧完唔干，牛串好嫩滑，而且加左啲香矛令到牛肉更加好味，沙爹酱香得黎一啲都唔辣。越式烧鸡，鸡好嫩滑，调味唔会太浓，只是稍为油了点。香蒜牛油焗青口，超香牛油味，蒜味唔算大，青口唔韧几厚肉。火车头汤河，牛骨汤底好浓好甜，而且牛丸好弹牙好有牛肉味！