藤 (已結業)

🍴 寿司8贯 ($328) ⭐️⭐️⭐️⭐️💫师傅根据唔同嘅季节安排唔同嘅寿司款式，师傅逐旧喺你面前制作。全部都系新鲜咁切出嚟，再摆喺呢个咁特别嘅寿司层架上面，卖相既独特又吸睛。之后师傅就逐一介绍，同埋食寿司嘅先后次序，由淡味到浓味，再到甜品。寿司包括左带子、甜虾、池鱼、深池鱼、拖罗、海胆同八爪鱼等。鱼生食落几新鲜，而且系非常之厚切，遮住咗大部份嘅饭，唔洗担心食饭食饱！带子好好味，鲜甜得黎啖啖肉，甜虾肥美又新鲜，拖罗唔韧又冇筋，海胆都唔腥。到于甜品水信玄饼真心好靓，配上黑糖糖浆，甜甜地入口即溶好好味！最后饮埋好浓郁嘅野菜豆乳汤，完美！🍴 藤の特上寿司盛合 ($228) + 三文鱼腩刺身 三切 ($88) ⭐️⭐️⭐️⭐️寿司盛合有埋面豉汤，连同6大旧鱼生，都一样好新鲜好厚切，值得一试！仲有唔好错过三文鱼腩刺身，唔单止好肥美，亦都可以欣赏埋师傅嘅刀工！🍴 樱花虾乌冬+日式炸鸡+吉列生蚝+鳗鱼青瓜反卷 ($98) ⭐️⭐️⭐️⭐️乌冬配上大量樱花虾，仲有大大旧新鲜炸嘅炸鸡同吉列蚝，外脆内软，火喉啱啱好。个反卷亦都做得好成功，夹起食都冇散开，鳗鱼同青瓜嘅比例都好好。.........................