滋味屋

营业中

休息中

今日放工经过西湾河，又去左饮食地标太安楼揾野食。近排疫情关系，加上太安楼本身比较人烟稠密，小编出街堂食既意欲好低，所以就去左揾外卖。呢间滋味屋晚市主打单/双𩠌饭，另外都有得买汤/饮品同净𩠌。𩠌既选择唔少既，有菜有肉，总共有大概十款，放满晒全间店。小编要左个双𩠌饭，㨂左炒牛柳同猪软骨。个饭盒入面饭同𩠌份量都几多，感觉好抵食，但味道坦白讲唔算太吸引。值得留意既系，成间店既𩠌菜除左前面几款有块板之外，其他都系无遮、无掩、无恒温，就咁摆系度，返到去更加完全冻晒，感觉唔系好卫生，但食完总算无肚痛既。总括而言，小编唔系太推介呢间外卖店，特别系全城置身于疫情既水深火热中，该店既食物卫生的确有进步既空间。