天祥順德美食

营业中

休息中

约了同事一齐饮喺日本买嘅手信，酒逢知己千杯少，上咗去大成街街市顺德天祥美食揾食，自己带酒又唔驶开瓶费。先嚟个极度邪恶钵仔焗鱼肠，真系要衬热食，冻晒就唔好食， 朋友见到厨师即时去买油炸鬼嚟整这个𩠌，鱼肚唔系太腥，零舍好味。翠绿凤凰卷卖相似煎蛋卷，包著香菇丝，木耳丝，叉烧粒，红萝卜等材料，味道上清淡但合格。煎酿鲮鱼香脆嘅鱼皮内，混咗冬菇，虾米及鲮鱼肉，松脆香口。炸鳝片，又系香口嘢，送酒都OK食到饱，再饮青岛不胜酒力，听日又要拉著疲惫嘅身躯返公司。