壹號餐廳

营业中

休息中

今晚系男朋友屋企瞓，唔想去咁远就求其系屋企附近食个晚饭，今次就去左呢间壹号餐厅。姜葱霸王鸡劲出色，入口鸡肉好滑，一啲都唔会干，加上姜葱味都好出😋椒盐三蔬入面有茄子、花生苗同洋葱圈，炸完之后口感爽脆，即使系蔬菜但炸完之后仍然保持一定嘅干爽度，唔会成口油！呢个好值得赞赏😋豉椒炒蚬都好鲜鲜甜甜，粒粒都系超大粒既，豉椒汁好香阿，送饭简直系一流阿☺️😚西兰花鱼柳个卖相系靓仔吸引既，有几款唔同既颜色，见到都已经好想食嫁啦，西兰花🥦新鲜翠绿，鱼柳不过不失！食到我地劲饱，本身仲谂住食个颓饭，点知呢啲平民餐厅啲水准都唔差🤤下次可以再嚟食😆唔洗成日谂食乜！