金滿膳燒味餐室 (已結業)

同姊妹行街行到又热又累，想坐一坐食少少野补充下体力过下冷河，见到有间港式餐厅，由出面望入去企企理理，干净光猛，再睇餐牌都有很多选择，下午茶有粉面，烧味，西多，猪油包…等等，价钱又合理。我地就叫左个秘制猪扒包 $32和香脆奶油猪 $26。个秘制猪扒包都几大下，入面有炸猪扒，生菜和加左秘制酱汁，猪扒有成个包咁大，生菜都舖满晒，师傅仲将个包分开两半，方便客人食，咁刚刚好我地可以两份share。个香脆奶油猪烤到热辣辣，外皮脆卜卜，内里系柔软的，师傅茶左牛油和炼奶，包的温暖度将2种酱溶化，吸晒入面包度，又香又甜，食落去脆卜卜的口感，好滋味呀😋呢间茶餐厅值得推介，价钱实惠，食物有水准，环境干净企理。佢系位于牛头角牛头角道357-375号仁安大厦地下的＂金满膳＂。