金蘭花泰國菜館

营业中

休息中

每当想食好嘢，都会谂起九龙城金兰花。今日细女生日，阿女都自己开口话要去九龙城金兰花。 我哋先嚟一只泰式海南鸡, 鸡肉嫩滑有鸡味，但系又去晒骨好食又方便。之前次次嚟都会叫佢嘅咖喱蟹, 次次都食到舔舔脷, 今日专登试吓平时未叫过，但系又好想试吓嘅「泰式鲫鱼沙律」，上菜时卖相已经好吸引, 食落又真系好好味，师傅手工精细，先将鱼肉起片炸，新鲜嫩滑，再将鱼骨炸到脆香，再淋上一个极有泰式风味嘅酱汁，整个𩠌就变得别具吸引力。佢哋嘅沙嗲真系冇得输，有佢哋自己嘅独特腌料方法，啲沙嗲鸡翼好香口好惹味，再嚟多一客我同阿女嘅至爱，泰式虾饼，呢个几乎系我哋次次嚟金兰花必点嘅𩠌，每次都一样弹牙、鲜味、又厚又大件，好食又抵食。再加多一个炒芥兰同冬阴功汤。我哋今餐好完美，最紧要乖女满意，金兰花水准稳定，好食之余，又大件夹抵食，值得推介！