影片
更多
2018-12-23
1132 浏览
今个圣诞想同另一半食豪d？食omakase又太贵？唔紧要等小编介绍呢间平民omakase，最平400蚊有找，Lunch去仲有8折添！小编同友人叫左两个丼饭同一个小食，分别系梦之丼、一番拖罗丼同黑松露玉子烧。首先上既系黑松露玉子烧。黑松露玉子烧一客四件，玉子卷住黑松露，一啖咬落去暖笠笠，浓郁既黑松露配搭本身味道唔重既玉子，一d都唔会觉得腻，仲好开胃，系唔错既前菜。食完前菜，丼饭好快就到。作为同店名一样既招牌菜，梦之丼当然唔简单，但梦之丼价钱并唔系丼饭中最贵，只系$298姐。店员提醒有个橙醋，可以先食左橙，剩返既醋就用黎食帆立贝。梦之丼既帆立贝上面卷左昆布，带少酸同咸味，再加埋橙醋，小编真系未食过咁好味既帆立贝！梦之丼真系落足料，除左帆立贝仲有广岛蚝同北海道马粪海胆。三文鱼子同海胆送饭真系一流，仲有牡丹虾同拖罗蓉，小编觉得好满足🤤另一个丼饭一番拖罗丼顾名思义就系拖罗送饭，但千祈唔好觉得好普通。呢个丼饭包含左大鲔鱼腩、中鲔鱼腩、碎葱鲔鱼腩、大灸大鲔鱼腩、赤身渍同玉子渍。玉子渍捞落拖罗到食，超好食！！！每件拖罗都系肉质鲜嫩，有阵阵天然既油香，唔怪之得会比招牌梦之丼贵，价钱为$338。值得一提系
今个圣诞想同另一半食豪d？食omakase又太贵？唔紧要等小编介绍呢间平民omakase，最平400蚊有找，Lunch去仲有8折添！小编同友人叫左两个丼饭同一个小食，分别系梦之丼、一番拖罗丼同黑松露玉子烧。
首先上既系黑松露玉子烧。黑松露玉子烧一客四件，玉子卷住黑松露，一啖咬落去暖笠笠，浓郁既黑松露配搭本身味道唔重既玉子，一d都唔会觉得腻，仲好开胃，系唔错既前菜。
食完前菜，丼饭好快就到。作为同店名一样既招牌菜，梦之丼当然唔简单，但梦之丼价钱并唔系丼饭中最贵，只系$298姐。
店员提醒有个橙醋，可以先食左橙，剩返既醋就用黎食帆立贝。梦之丼既帆立贝上面卷左昆布，带少酸同咸味，再加埋橙醋，小编真系未食过咁好味既帆立贝！
梦之丼真系落足料，除左帆立贝仲有广岛蚝同北海道马粪海胆。三文鱼子同海胆送饭真系一流，仲有牡丹虾同拖罗蓉，小编觉得好满足🤤
另一个丼饭一番拖罗丼顾名思义就系拖罗送饭，但千祈唔好觉得好普通。呢个丼饭包含左大鲔鱼腩、中鲔鱼腩、碎葱鲔鱼腩、大灸大鲔鱼腩、赤身渍同玉子渍。玉子渍捞落拖罗到食，超好食！！！
每件拖罗都系肉质鲜嫩，有阵阵天然既油香，唔怪之得会比招牌梦之丼贵，价钱为$338。
值得一提系呢到既丼饭唔需要落任何酱料已经好入味，小编好奇之下问左店员，原来呢个既丼饭都加入赤醋，所以本身就咁配搭海鲜一齐食已经好好味，唔需要加料。
所以小编真心推介呢间平民版omakase，如果想真系食omakase呢到都有，价钱系600-1000不等。圣诞谂唔到带另一半食乜，梦之丼将会系唔错既选择！
张贴
