影片
更多
2015-08-15
804 浏览
今日有老友生日，叫我去九龙城雷公子食饭！本来订左7:30既，我7:25就到，谂住先攞台啦，点知入面爆晒棚，有个好好礼貌既服务员叫我要等10分钟左右先得！咁就系门口食支烟等一阵！之后见有人埋单行出嚟，就叫我入去坐喇！好彩我老友醒目一早订左台。我坐左一阵D老友都嚟到啦！就开始叫野食，之前系openrice都睇过D食评，好似个个嚟到大概有四样食物系必食既，银山火焰蚝、海盐手插虾、烧猪肋骨、3D芥兰。今次我地都有叫呢四样食物，另外再加剁椒蒸濑尿虾，因为我觉得几得意所以叫嚟试下，仲有个木桶鸡同椒盐鱼扣。识食既人就知啦，鱼扣唔系间间有得食架，我见佢个餐牌都写住限量发售，可想而知系几少有啊。之后再叫一双肥妹队队佢，服务员就拎左几个战斗碗比我地饮啤酒！呢只碗好少有，之前系东宝见过，估唔到雷公子都有㖞，真系够特别！海盐手插虾：新鲜惹味，脆到连虾壳都食埋！银山火焰蚝：我从未食过砵酒蚝系外脆内嫩既，好食！剁椒蒸濑尿虾：呢个𩠌真系经典，用左剁椒蒸完出嚟竟然仲食到鲜味，辣味完全冇盖过鲜味，剁椒同濑尿虾又好夹㖞！烧猪肋骨：睇落去好似好干，但食落去就好多汁，好惹味！椒盐鱼扣：炸弹好脆，好爽，送酒一流！木桶鸡：好香酒
今日有老友生日，叫我去九龙城雷公子食饭！本来订左7:30既，我7:25就到，谂住先攞台啦，点知入面爆晒棚，有个好好礼貌既服务员叫我要等10分钟左右先得！咁就系门口食支烟等一阵！之后见有人埋单行出嚟，就叫我入去坐喇！好彩我老友醒目一早订左台。我坐左一阵D老友都嚟到啦！就开始叫野食，之前系openrice都睇过D食评，好似个个嚟到大概有四样食物系必食既，银山火焰蚝、海盐手插虾、烧猪肋骨、3D芥兰。今次我地都有叫呢四样食物，另外再加剁椒蒸濑尿虾，因为我觉得几得意所以叫嚟试下，仲有个木桶鸡同椒盐鱼扣。识食既人就知啦，鱼扣唔系间间有得食架，我见佢个餐牌都写住限量发售，可想而知系几少有啊。之后再叫一双肥妹队队佢，服务员就拎左几个战斗碗比我地饮啤酒！呢只碗好少有，之前系东宝见过，估唔到雷公子都有㖞，真系够特别！
海盐手插虾：新鲜惹味，脆到连虾壳都食埋！
银山火焰蚝：我从未食过砵酒蚝系外脆内嫩既，好食！
剁椒蒸濑尿虾：呢个𩠌真系经典，用左剁椒蒸完出嚟竟然仲食到鲜味，辣味完全冇盖过鲜味，剁椒同濑尿虾又好夹㖞！
烧猪肋骨：睇落去好似好干，但食落去就好多汁，好惹味！
椒盐鱼扣：炸弹好脆，好爽，送酒一流！
木桶鸡：好香酒味，唔系冲油鸡既味道，有少少沙姜既味道！
3D芥兰：上层系肉碎，中层好似紫菜，最底系菜根，仲跟埋蒜蓉包一齐食，好似食生菜包咁，非常有创意！
豉油王龙苏炒面：呢个炒面真系见到厨师既真章，我地食到最底时候竟然冇乜油，得好少好少油留低系只碟到，证明呢个厨师真系有料到！
最后埋单每人都唔使300元，价钱合理，食物一流！走既时候我已经订定下星期三，一定要再嚟encore.
张贴
