卓記

营业中

休息中

想食碗又绵又滑既粥，西环正宗卓记就有。听闻卓记系西环有一两间，就好似云南米线都有谭仔同三哥。叮叮紧系带我食第一间铺做起，系熟食街市既粥粥啦。 所有粥都系你叫佢就掉材料，即刻就有得食既生滚粥。猪什粥突然好想食，佢依度会剪碎哂，唔会话成条粉肠比你，但以13蚊黎讲，好经济。 依度既油器都系自助形式，你夹去佢面前计数。门口有个姨姨系度整剪萝卜糕，冇乜料但胜在大大旧，都见好多人SHARE一旧食。 至于最失望一定系个炒面，冇葱就冇左个香气。而且佢炒到过左龙，老抽唔上色、味道亦唔够。之不过由于冇得睇住佢既炒面卖相而决定食唔食，都系胆博胆。但我就唔会有下次喇。 总括而言，粥底既幼滑系值得一试，虽然其他野食一般，但系以依个价钱、有冷气既街市，食到旧时既粥都叫系值回票价。就好似我同叮叮咁，无论食好食差，都只系配衬。最重要系大家食得开心。