影片
更多
2018-10-01
3435 浏览
食生日饭,近近哋就拣咗凤城酒家,印像中上一次嘅食物都唔错.潮莲烧鹅王半只-完全唔知潮莲系乜嘢意思,烧鹅皮完全唔脆,但系肉质非常鲜嫩而且多汁,腌得好好味,唔会过咸.系一啲唔合格但系好味嘅"烧"鹅.锅贴大明虾六只- 即系虾多士,卖相比较一般,或者打得耐得滞,干争争,要点咗沙律酱先至比较容易入口.但因为本身唔系浓味嘅嘢,点样沙律酱之后就会盖过佢本身嘅味.双脆什菌安格斯牛肉- 用四季豆同埋杂菌一齐爆炒牛肉,系今餐最满意嘅一样𩠌.今时今日安格斯牛肉已经唔算系非常上等嘅食材,不过今次嘅牛肉的确有几重嘅肉味,有少少咬口又唔会过韧.杂菌吸咗调味料同埋肉汁又好味.海皇冬茸烩燕窝- 燕窝? 哦,无野喇.下一样.清蒸龙趸头腩- 碟头唔大但系非常鲜味,而且皮够厚,骨胶原定系乜嘢,果种黏黏地又油腻嘅口感真系非常好.生炒龙趸球- 用西兰花炒一炒龙趸肉,因为龙趸唔连皮,失色不少.西兰花都几好味既,而且份量多,反而显得龙趸球好少.姜葱焗肉蟹- 小弟唔食蟹, pass~瑶柱鲜竹浸时蔬- 唔多系苋菜,好似比较少见茶楼用呢一种"时蔬".腐竹好滑而且豆味香浓.但系作为主角嘅苋菜有少少渣.凤城炒饭- 虾仁炒饭,听日食完先知乜嘢
潮莲烧鹅王半只-完全唔知潮莲系乜嘢意思,烧鹅皮完全唔脆,但系肉质非常鲜嫩而且多汁,腌得好好味,唔会过咸.系一啲唔合格但系好味嘅"烧"鹅.
锅贴大明虾六只- 即系虾多士,卖相比较一般,或者打得耐得滞,干争争,要点咗沙律酱先至比较容易入口.但因为本身唔系浓味嘅嘢,点样沙律酱之后就会盖过佢本身嘅味.
双脆什菌安格斯牛肉- 用四季豆同埋杂菌一齐爆炒牛肉,系今餐最满意嘅一样𩠌.今时今日安格斯牛肉已经唔算系非常上等嘅食材,不过今次嘅牛肉的确有几重嘅肉味,有少少咬口又唔会过韧.杂菌吸咗调味料同埋肉汁又好味.
海皇冬茸烩燕窝- 燕窝? 哦,无野喇.下一样.
清蒸龙趸头腩- 碟头唔大但系非常鲜味,而且皮够厚,骨胶原定系乜嘢,果种黏黏地又油腻嘅口感真系非常好.
生炒龙趸球- 用西兰花炒一炒龙趸肉,因为龙趸唔连皮,失色不少.西兰花都几好味既,而且份量多,反而显得龙趸球好少.
姜葱焗肉蟹- 小弟唔食蟹, pass~
瑶柱鲜竹浸时蔬- 唔多系苋菜,好似比较少见茶楼用呢一种"时蔬".腐竹好滑而且豆味香浓.但系作为主角嘅苋菜有少少渣.
凤城炒饭- 虾仁炒饭,听日食完先知乜嘢味~
西米布甸- 嚟得凤城食顺德嘢梗系要食西米布甸啦,都几香滑,甜度都适中,外层𠮶块㶶㶶哋嘅皮系极品.
手抓乳猪半只- 虽然知道系半只乳猪,但系咁样摆𠮶度真系有少少难睇,唔该有冇得执执佢... 乳猪皮薄得有少少奇怪,系就系脆既,但系好似食薯片嘅感觉.
张贴
