太興 (已搬遷) 新店位置

今日因为要专登落去西湾河街市买我用开o既炆羊肉酱，经过太兴，忽然好想食烧味饭。 　太兴既双并饭餐 (饭连例汤或热饮) 要$54. 单拼餐都要 $51. 价钱一d都唔平。　　佢走ｏ既系个档茶餐厅路线，而且员工真系个个都好好礼貌。　　所以取价比一般烧腊店贵。　　不过好在佢ｏ既烧腊真系好有水准，令你会耐唔耐心思思想去帮衬佢。今日食左叉油鸡双拼餐，叉烧系用半肥瘦梅头，入口甘香，个面有层甜甜糖浆，仲好多焦位(今日好菜有叉烧头)，真系好好味，油鸡就保持到水准。例汤系粉葛煲章鱼，有好香ｏ既章鱼味，ｏ岩晒我口味。　　不过佢ｏ既碟头偏细，如果平返几蚊个餐就更合理喇。