平靚正西餐 (已結業)

本身自己都系附近读书，所以放咗学自己一个人嚟呢度食嘢，你入到黎店员就好热情招待，但我入到黎嘅时候已经5:59啦，所以都无谓叫佢整多个下午茶餐啦。 于是我就嗌咗一个白汁野菌大虾意粉，仲加料叫咗个鸡扒，另外都见到佢有啲特色小食，所以我就嗌咗佢个招牌柚子鸡翼，等紧餐嘅时候我都见到墙上有台式小食，先发现原来呢间铺唔单只系西餐仲有台式小食可以嗌，不过由于一个人真系食唔落咁多野，所以我决定净系嗌个鸡翼同白汁野菌大虾意粉。 等左5分钟到嘢食都陆续上紧估唔到上餐速度都几快，个意粉白汁味浓郁，鸡扒都大件夹抵食，性价比极高，至于个柚子鸡翼，个人觉得好有特色，第一次试柚子酱再加炸鸡翼，估唔到有几夹㖞！下次如果放学谂唔到食咩都会选择嚟呢度再食！