順鑫腸粉佬

营业中

休息中

今日有事过嚟呢边，见到呢间嘢平平哋，于是就帮衬。$25——三𩠌车仔面，一开始见佢装到咁大碗，心谂大件夹抵食。点知近距离望到条红肠，已经觉得条红肠唔知放咗几多日…..溶溶烂烂….咬咗一啖觉得自己真系中咗伏⋯一阵up味…（利申：条红肠唔系俾我咬到溶溶烂烂，而系佢本身已经系咁嘅样）红肠我就即刻掉咗冇食，其他𩠌就照食：正正常常。最惨系我仲买咗个粢饭$14，咬落去觉得自己食紧糯米鸡嘅米，个粢饭又系比我感觉唔知放咗几耐，咬深啲食埋啲料有阵酸味味嘅味道最后又系掉咗。唔系想浪费食物，但系食到咁样，真系惊自己食坏肚。