影片
更多
2019-12-11
2843 浏览
2年几前喺餐厅啱啱开嘅时候，我已经嚟过一次，都几唔错。仲记得当时系喺睇演唱会前食，因为餐厅个位置都有啲啲隔涉，旺角东火车站行嚟系最近。呢日约个friend食晚饭，大家讲起𠮶阵喺英国读书时食过有间好出名嘅flat iron，就提议不如食top blade啦！虽然知铜锣湾开咗分店，但大家都返九龙，就决定嚟何文田食。由于预唔到几点放工，所以无book定枱。估唔到我哋成8点先去到，都竟然要等位，爆场坐满哂，留意返呢晚只系星期三晚！好彩都系等咗10分钟内就入得👏。一入到去，有位资深啲嘅店员就问我哋有无食过，再即刻介绍返有乜食，同埋每款flat iron有咩特色同建议熟成度，劲informative啊😎。呢到对于有选择困难症嘅人嚟讲会比较好，因为主食得6款拣，3(+1不在menu上)flat iron，1猪鞍扒同1汉堡包，选择比开业时多。不过一心想食牛🐮，所以无考虑猪同包。呢到其中一个卖点系有任食薯条🍟，外型无咩特别，似幼身麦记𠮶种，但食落热辣辣好正，估计应该要不断即炸，因为个个都会添食嘛。薯条最特别系一食落就会发现有好香嘅松露味😍，卖飞佛！题外话，主要有个带眼镜嘅店员哥哥负责问客人使咪加薯条，佢
2年几前喺餐厅啱啱开嘅时候，我已经嚟过一次，都几唔错。仲记得当时系喺睇演唱会前食，因为餐厅个位置都有啲啲隔涉，旺角东火车站行嚟系最近。呢日约个friend食晚饭，大家讲起𠮶阵喺英国读书时食过有间好出名嘅flat iron，就提议不如食top blade啦！虽然知铜锣湾开咗分店，但大家都返九龙，就决定嚟何文田食。由于预唔到几点放工，所以无book定枱。估唔到我哋成8点先去到，都竟然要等位，爆场坐满哂，留意返呢晚只系星期三晚！好彩都系等咗10分钟内就入得👏。
一入到去，有位资深啲嘅店员就问我哋有无食过，再即刻介绍返有乜食，同埋每款flat iron有咩特色同建议熟成度，劲informative啊😎。呢到对于有选择困难症嘅人嚟讲会比较好，因为主食得6款拣，3(+1不在menu上)flat iron，1猪鞍扒同1汉堡包，选择比开业时多。不过一心想食牛🐮，所以无考虑猪同包。
呢到其中一个卖点系有任食薯条🍟，外型无咩特别，似幼身麦记𠮶种，但食落热辣辣好正，估计应该要不断即炸，因为个个都会添食嘛。薯条最特别系一食落就会发现有好香嘅松露味😍，卖飞佛！题外话，主要有个带眼镜嘅店员哥哥负责问客人使咪加薯条，佢超nice同埋好好笑容👍。
餐汤同沙律就自由选择加配，加$48就可以要齐一套，或者同款要两份。胃食嘅我哋就梗系一人一套啦🙈，好彩早啲落咗单，晏少少就已经无咗餐汤了...。餐汤系忌廉周打蚬汤，超多料有蚬有薯仔。至于🥗Superfood沙律都唔错，有好多藜麦同唔少蟹肉，个汁就甜甜地，开胃。
食完一轮，主角终于出场，香草平铁牛扒($150)，herbly flat iron steak with roasted whole garlic and fresh rosemary🥩🌿。呢款有得拣增量装，加$50，我哋就无加到了，因为食扒好易饱。牛扒已经切好咗一片片，啱哂懒猪食。餐厅建议熟度系五成medium，而佢又真系煮到啱啱好，肉身呈现粉红色💗，无血水。味道有炭烧香味，食到原汁原味，肉嫩，但无咩seasoning，可以加少少盐吊吊味。伴碟就有原个蒜头。
另外要咗期间限定嘅♠️黑桃平铁牛扒($238)，black jack flat iron，配上秘制嘅黑啡蜜糖酱汁。呢款就系原块牛扒上，都几厚身，下低就系有几嚿蜜桃🍑，餐厅建议熟度系三成medium rare，所以比较生，如果唔钟意可叫佢整熟啲。呢款就入味啲，因为个汁有蜜糖味甜甜的，但就食唔出咖啡☕️。不过肉质就无原味𠮶件咁嫩，边位有少少筋，但都唔错。
两款都各有千秋，真系好难决定话边款好食啲。两件扒嘅份量本身就唔算好大，但因为又有薯条、汤同沙律，食哂成set就好饱饱🤰。不过因为薯条系另上关系，变咗无咩其他伴菜伴碟，牛扒卖相单调咗少少，哈哈。
饮品我哋都不约而同地叫咗真dirty柠檬特饮($70)🍋， really dirty lemonade，哈哈个名好正。真。Dirty系咪因为加咗whisky？个样都几靓，有条rosemary衬托下，味道都ok，但唔算好特别，呢个价钱就贵咗少少。
总括嚟讲，呢餐嘅平铁牛扒都算几唔错，叫做食咗2款口味，加上有松露薯条任食，一定够饱👍。餐厅嘅定价就中等啦，人均要$300几，但有成个牛扒套餐🥩食，都ok啦。店舖细细，楼面有3位店员，全部都好好服务，对食物有充份了解，埋单时又问我哋啱唔啱食。环境都光猛干净，黄色主题加上霓虹灯，但就唔算好阔落，不过佢哋都好细心有预个篮比食客放个人物品。
张贴
