肥龍拉麵小籠飽上海料理 (已結業)

放假喺附近食个方便brunch，意外发现倒抵食嘅上海菜。一人套餐可拣一面食配一点心，附送餐饮，抵食之余卖相亦唔错。我拣咗酸辣汤拉面配小笼包，份量颇多超饱肚，热辣辣嘅温度令食物味道更上一层楼。酸辣汤拉面连埋汤底可以全部清光，而且味道配合得啱啱好。小笼包有四只，夹起时外皮全部都冇穿到，超级惊讶！而且肉汁超多，新鲜滚热辣，一啖一只，迅速秒杀。另外散叫咗碟上海粗炒，平日只觉得粗炒好硬，无从入囗，完全唔识欣赏。今次第一次觉得上海粗炒都可以好好味，硬度适中有咬口，而且煮得入味。相比起其他百几蚊先一碟嘅高档上海菜餐厅，呢餐系有过之而无不及。