滿粥順德粥底海鮮火鍋

营业中

休息中

居然比我老公喺大角咀揾到呢一间人世小店，一个人$200都唔使就可以食到多款海鲜，仲要系生生猛猛啖啖肉！今日试咗呢一款肉蟹餐，除咗大肉蟹之外，更加有蛏子、鲍鱼、鱼、基围虾、沙白、花甲类～全部即叫即剖新鲜到爆！好似鲍鱼咁非常之爽口又够鲜甜，花甲肉饱满，基围虾鲜味无穷。食完一轮海鲜之后，就可以加上南瓜、芋头、粟米粒粒落去煲粥。下一步当然要拣选六款食物去打边炉，包括有蟹柳、豚肉卷、牛肉卷、花枝丸、淮山、生菜🥬令到汤底都有少少肉香！按次序加上粥胆、猪油渣、芫荽、菜脯、冬菜、葱花一齐搅拌，绵绵嘅粥底火锅就完成咗啦！有时不妨去大街小巷揾吓啲小店，唔一定次次都话一定要北上食饭先平靓正㗎嘛。