大壹冰室 (已結業)

行到呢间嘢见到个lunch menu同我地食开女人街果间d menu一样咁制.觉得好好奇,连装修都大同小异. 心念应该有d关系. 决定入去食个pasta.同以往一样. 我地叫咗个吞拿鱼长通粉同一个烤鸡凯撒沙律. 好快就上咗餐汤. 一红一白.忌廉汤几creamy, 搭埋个包几好. 包已经有牛油, 外脆内软几香. 至于红汤, 好多料, 不过我觉得味道淡咗少少,可以粘稠返d.主菜黎啦, 沙律上先. 分量真系好足, 面头仲有香煎鸡扒, 已经切好一条条方便入口. 菜好fresh咁, 仲有d bacon bits同面包糠, 最后加埋我最爱嘅Ranch汁, 好正宗嘅Caesar Salad. 鸡食起身真系好香,之前食过已经觉得好好, 出边鸡皮有少少脆, 入边多汁同埋软lumlum. 正!吞拿鱼海鲜长通粉. 最出色就系个汁. 够Creamy. d汁入晒长通粉,食起身好够味. 吞拿鱼好足料, 煮嘅时候已经有好多吞拿鱼碎碎融入咗个汁度,所以其实个汁好浓吞拿鱼味. 四十几蚊一个西式pasta lunch, 有返d quality嘅我念都几难揾. 食过好多都好难食, 呢个都系我会再帮衬嘅原因.点解? 因为性价