影片
更多
2014-05-03
1707 浏览
在黄竹坑返左3年工，最大得著就系揾度呢间泰国餐厅。虽然位于熟食市场，夏天热到无朋友，但食物质数真系无得顶。搬左OFFICE之后终于有时间返去再食，始终无啦啦系无人会去山卡啦既黄竹坑。一去到，麦生就叫左必食既生虾刺身。其实我觉得生虾刺身第一要新鲜，第二就睇个汁。我有孕在身，都忍唔住偷偷地食左一只，爽滑弹牙是必须的，加埋个汁，简直系想再食多几只。未怀孕之前其实我同麦生系一人叫一碟，而家有得睇无得食。。。之后就到我另一最爱柚子沙津。好多地方既柚子沙津系真系得柚子，仲要整散哂D柚子，真系想讲粗口。呢度既柚子沙津有鸡丝同虾，同埋D柚子唔系全部都系碎，有口感，个鸡丝真系好好食。再黎就系海鲜冬阴公，其实入面有虾，但可能只虾系拎黎煲汤，所以系好鞋既。但入面有好多菇同蕃茄，好味道，但如果唔食得辣，就一定要叫佢小辣，因为真系好辣。仲有就系马拉盏炒通菜，马拉盏好足料，我好中意D虾4干仔，基本上呢碟菜系我一个人食哂，但一定要衬热食，唔系冻左好咸。后来仲加左个酸辣凤爪，都一定要叫小辣，上次唔记得佢小辣，辣到飞起。超足料，食极都仲有。我本第好中意食酸辣凤爪，呢个做得好爽口，正。仲叫左个炒粉丝，其实系麦生至爱，佢一
搬左OFFICE之后终于有时间返去再食，始终无啦啦系无人会去山卡啦既黄竹坑。
一去到，麦生就叫左必食既生虾刺身。其实我觉得生虾刺身第一要新鲜，第二就睇个汁。我有孕在身，都忍唔住偷偷地食左一只，爽滑弹牙是必须的，加埋个汁，简直系想再食多几只。未怀孕之前其实我同麦生系一人叫一碟，而家有得睇无得食。。。
之后就到我另一最爱柚子沙津。好多地方既柚子沙津系真系得柚子，仲要整散哂D柚子，真系想讲粗口。呢度既柚子沙津有鸡丝同虾，同埋D柚子唔系全部都系碎，有口感，个鸡丝真系好好食。再黎就系海鲜冬阴公，其实入面有虾，但可能只虾系拎黎煲汤，所以系好鞋既。但入面有好多菇同蕃茄，好味道，但如果唔食得辣，就一定要叫佢小辣，因为真系好辣。
仲有就系马拉盏炒通菜，马拉盏好足料，我好中意D虾4干仔，基本上呢碟菜系我一个人食哂，但一定要衬热食，唔系冻左好咸。
后来仲加左个酸辣凤爪，都一定要叫小辣，上次唔记得佢小辣，辣到飞起。超足料，食极都仲有。我本第好中意食酸辣凤爪，呢个做得好爽口，正。
仲叫左个炒粉丝，其实系麦生至爱，佢一个人自己食左一碟，我试左几啖，佢话炒得好干身又条条都好有味又唔油，但因为我唔中意食，所以我相都无影。仲有叫左2杯青柠SODA，埋单300头，送左2个MINI 椰汁膏，唔使钱黎计都叫系咁。
题外话/补充资料：
餐厅好似食逢星期二休息，每年佢地都会休息一个月返泰国，去之前最好打个电话去问下有无问。同埋佢隔黎都有间泰国餐厅，小心去错。其实佢既青咖哩都好好味，唔怕口臭叫埋佢个蒜容包(其实系好似蒜容多士)就无得顶，不过得2个人，实在食唔到咁多，唯有再下次了。
(以上食记乃用户个人意见 , 并不代表OpenRice之观点。)
张贴
