千府·居食屋 (已結業)

好耐冇去食日本餐，咁啱去开附近又上网见到好似几好食。就同女朋友一齐去食。我同女朋友都带咗每人一个迷你饭餐，咁就可以自选一个饭，同埋一个寿司餐。咁我就嗌咗迷你吞拿鱼蓉丼配火炙寿司拼盘。一个餐就配埋沙律、刺身、果物同埋渍物。嗌完冇耐好快就送到嚟，睇落卖相都唔错。如果物就系木瓜。咁我一嚟就食晒拼盘先，由左至右分别系三文鱼、鳗鱼、左口鱼、熟虾同埋玉子。味道方面都几出色，唔会烧得太过火。之后就到丼饭，个鱼蓉好新鲜，而且个饭size配埋其他嘢就啱够饱，另外个饭唔会太烂。之后就系刺身，个三文鱼系厚切，而个带子都几鲜。呢个价钱整体嚟讲都几firm